Paguaj faturën e mallit nga furnitori

Hapat e nevojshëm

1. Hyrja në Formularin e Pagesave

   Hyni në:

   • Moduli: Furnitorët & Blerjet → karta Pagesë → "+ Shto Pagesë"

   Do të shfaqet formulari bosh i pagesës, ku duhet të zgjidhni furnitorin për të parë faturat që kërkojnë pagesë.
   

   Lexo më shumë

   • Faqja përdoret vetëm për furnitorë, jo për klientë.
   • Pagesa mund të bëhet vetëm për fatura të regjistruara më parë.
   • Në listën e furnitorëve, sistemi tregon menjëherë borxhin e mbetur të secilit furnitor → duke ndihmuar në përzgjedhje të shpejtë.
2. Zgjedhja e Furnitorit

   Në fushën Furnitori, kërkoni dhe zgjidhni furnitorin.

   Sistemi:

   • Shfaq automatikisht gjithë faturat e papaguara.
   • Tregon për secilën faturë: Datën, Numrin e faturës, Vlerën e faturës, Vlerën e paguar më parë, Debinë e mbetur (borxhin), Afatin e fundit të pagesës, Punëtorin që ka regjistruar faturën.
   

   Lexo më shumë

   • Nëse furnitori ka shumë fatura, ato renditen nga më urgjentet sipas afatit të pagesës.
   • Ngjyrosja e kuqe tregon faturat që kanë afat të kaluar.
3. Shënimi i Vlerave që Paguhen

   Pasi të keni përzgjedhur Furnitorin të cilin doni t'i paguani faturën, do shfaqen gjitha faturat që keni papaguar për furnitorin e përzgjedhur. Sistemi gjeneron automatikisht detajet administrative të dokumentit si numri i dokumentit të pagesës, punëtori që po e regjistron dokumentin, data (normalisht përzgjidhet data e hapjes së dokumentit), lokacioni ku ai punëtor që ka hapur dokumentin normalisht punon. Mirëpo pothuajse si çdo dokument tjetër, nëse kompania përzgjedh politikat dhe konfigurimet se mund të ndërrohen këto detaje, gjitha janë të editueshme.

   Në kolonën Vlera për Pagesë, shkruani shumën që dëshironi të paguani për secilën faturë.

   Sistemi:

   • Lejon pagesë të plotë → shlyerje automatike.
   • Lejon pagesë të pjesshme → debia zvogëlohet, fatura mbetet aktive.
   • Sistemi nuk ju lejon të shkruani më shumë se borxhi mbetur.

   Totali i pagesës përditësohet automatikisht në fund të faqes.
   

   Lexo më shumë

   • Kolona Debi tregon saktësisht borxhin aktual të faturës përpara pagesës.
   • Nëse vlera e paguar është më e madhe se 0, fatura shënohet si “në proces pagesë”.
4. Zgjedhja e Mënyrës së Pagesës

   Fusha Paguaj ju lejon zgjedhjen e mënyrës së pagesës:

   • Xhirollogari (me opsionin e provizionit bankar gjithashtu) - Arkë - Ose çfarëdo lloj metode të konfiguruar nga kompania.
   

   Lexo më shumë

   • Nëse zgjidhet bankë, mund të shkruani si shpenzim gjithashtu edhe Provizionin Bankar.
   • Nëse pagesa bëhet me arkë, sistemi pasqyron automatikisht uljen e gjendjes së arkës.
5. Opsionale
   Shtimi i Komentit

   Fusha “Koment” përdoret për shënime si:

   • “Pagesë e pjesshme për faturën FAT-TP-6”
   • “Shlyerja totale e faturës FAT-1410”
   • “Paguar me transfer bankar”
   
6. Ruajtja e Dokumentit të Pagesës

   Fatura e blerjes ka disa mënyra ruajtjeje: Butonat standardë të ruajtjes, Butoni "Të Tjera". 
   

   Lexo më shumë

   Dokumenti i pagesës së faturës së blerjes ka disa mënyra ruajtjeje njëlloj si dokumentet e tjerë:

   Butonat standardë të ruajtjes

   • Regjistro & Printo – regjistron faturën dhe gjeneron PDF.
   • Regjistro – ruan faturën pa e printuar.

   Butoni "Të Tjera"

   Përmban opsione të avancuara:

   • Ruaje si Draft – nëse pagesa duhet rishikuar.
   • Regjistro dhe Të Re – ruan pagesën dhe hap një dokument të ri bosh.
   • Regjistro dhe Klono – e përdorur për pagesa të përsëritura për të njëjtin furnitor.
   • Klono – krijon një kopje identike të dokumentit si draft.

   Butoni Lista

   Ju dërgon në listën e të gjitha pagesat e faturave të blerjes.