Regjistro faturë blerjeje

Hapat e nevojshëm

1. Aksesimi i Formularit të Faturës së Blerjes

   Për të krijuar një faturë të re, hyni në modulin Furnitorët & Blerjet, pastaj nga karta e dokumenteve zgjidhni Faturë.
   

   Lexo më shumë

   • Hyni në menunë Furnitorët & Blerjet.
   • Klikoni te Faturë për të hapur listën e funksioneve për kartë.
   • Zgjidhni + Shto Faturë për të hapur një dokument të ri bosh.
   • Në këtë pikë dokumenti është Draft dhe nuk ka ende efekt kontabël apo stok.
2. Përzgjedhja e Furnitorit

   Pa furnitorin, dokumenti nuk mund të vazhdohet, pasi të gjitha të dhënat kontabël dhe raportuese varen nga identiteti i tij.
   

   Lexo më shumë

   • Shkruani ose kërkoni kodin e furnitorit (p.sh. FURN-1).
   • Sistemi plotëson automatikisht emrin, logon, numrin unik, NIPT/Fiskal dhe vendndodhjen standarde.
   • Nëse furnitori ka disa lokacione, zgjidhni atë të duhurin.
   • Tani dokumenti është gati për plotësimin e pjesës financiare.
3. Plotësimi i Informacionit Administrativ të Dokumentit

   Informacionet administrative përcaktojnë identitetin e faturës dhe ndihmojnë në proceset e auditimit dhe gjurmimit.

   Çfarë duhet të plotësoni?

   • Numri i Faturës – gjenerohet automatikisht sipas konfigurimit.
   • Data e Faturës – data kur është lëshuar nga furnitori.
   • Numri i Referencës – opsionale, zakonisht numri i faturës fizike të furnitorit.
   • Punëtori – personi që po e kryen këtë blerje.
   • Lokacioni – vendi prej ku po lëshohet fatura.
   

   Lexo më shumë

   Këto fusha janë të detyrueshme për:

   • raportet financiare të blerjes,
   • regjistrat e TVSH-së,
   • ndarjen e stokut nëpër depo.

   Nëse depoja nuk caktohet saktë, lëvizjet e stokut do të jenë të pasakta.
4. Shtimi i Artikujve në Faturë

   Si funksionon?

   • Kërkoni artikullin ose skanoni barkodin.
   • Sistemi sjell automatikisht emrin, njësinë dhe TVSH-në.

   Vendosni:

   • Sasinë, Çmimin bazë, Zbritjen (nëse ka), Llogarinë kontabël, Depo (me rëndësi të madhe për futjen në stok)

   Sistemi llogarit automatikisht:

   • çmimin pa TVSH, çmimin me TVSH, vlerën e TVSH-së, vlerën totale për artikullin.
   

   Lexo më shumë

   • Rreshtat mund të shtohen, modifikohen ose fshihen pa kufizime.
   • Artikullit mund t’i vendoset Shifra e artikullit (numerimi i furnitorit) për auditim më të saktë.
   • Mund të futni edhe artikuj jo-stok për pagesa të shërbimeve.
   • Nëse furnitori faturon me çmime të shitjes, fusha “Marzha / Çmimi i Shitjes” përdoret për analizë.
5. Opsionale
   Importimi i Artikujve përmes Excel

   Një nga veçoritë më të forta të Planet Accounting.

   Ky funksion është ideal për:

   • fatura me shumë artikuj,
   • furnitorë që dërgojnë listë të gjatë artikujsh,
   • eliminimin e gabimeve manuale.

   Si funksionon?

   Klikoni Import → shfaqet modali “Import me Excel”.

   Udhëzimet kryesore:

   • Shkarkoni shabllonin .xls që sistemi ofron tek Konfigurimet, karta Stoku & Shërbimet.
   • Plotësoni kolonat:
   • Shifra, Numrat, Barkodi, Emërtimi, Njësia, Sasia, Zbritja %, Zbritja Extra %, Kodi i TVSH-së, Llogaria, Depo

   Për më shumë shumë lexoni tek faqja Importo artikujt me Excel tek moduli Furnitoret & Shitjet.
   

   Lexo më shumë

   • Nëse artikulli ekziston, sistemi e gjen dhe e lidh automatikisht.
   • Nëse jo, artikulli futet si i ri.
   • Pas importimit, të gjithë artikujt shfaqen te tabela e faturës gati për regjistrim.
6. Analiza Financiare e Faturës

   Pjesa e poshtme e faturës tregon të gjithë matematikën e dokumentit.

   Çfarë shfaqet?

   • Totali pa TVSH, TVSH sipas normave, Totali me TVSH, Zbritje dhe vlerë e zbritur, Gjithsej për pagesë, Detyrimet e furnitorit (borxhi i mbetur)
   

   Lexo më shumë

   Sistemi automatikisht përditëson:

   • detyrimet financiare,
   • librat e blerjeve,
   • TVSH hyrëse,
   • raportet e furnitorëve.

   Kjo pjesë është thelbësore për kontroll financiar.
7. Opsionale
   Kushtet e Pagesës

   Vendosni afatin e pagesës dhe çdo informacion të rëndësishëm shtesë.
   

   Lexo më shumë

   • Afati përcakton ditët neto (NET 0–99).
   • Ky afat përdoret për raportet e pagesave dhe paralajmërimet e borxheve.
   • Komenti i dokumentit shtohet në printim dhe në historikun e blerjes.
8. Ruajtja dhe Funksionet e Dokumentit

   Fatura e blerjes ka disa mënyra ruajtjeje: Butonat standardë të ruajtjes, Butoni "Të Tjera". 
   

   Lexo më shumë

   Fatura e blerjes ka disa mënyra ruajtjeje:

   
   

   8.1 – Butonat standardë të ruajtjes

   • Regjistro & Printo – regjistron faturën dhe gjeneron PDF.
   • Regjistro – ruan faturën pa e printuar.

   8.2 – Butoni "Të Tjera"

   Përmban opsione të avancuara:

   • Ruaje si Draft – ruan faturën pa e regjistruar.
   • Regjistro dhe Të Re – mbyll faturën aktuale dhe hap një të re.
   • Regjistro dhe Klono – ruan faturën dhe krijon një kopje të saj.
   • Klono – krijon kopje të faturës pa regjistruar të parën.

   8.3 – Butoni Lista

   Ju dërgon në listën e të gjitha faturave të blerjes.