Regjistro porosi blerjeje

Porosia e Blerjes (PB) është dokumenti zyrtar me të cilin kompania jote i dërgon furnitorit një kërkesë të konfirmuar për furnizim me mallra apo shërbime. Ndryshe nga Oferta dhe Kërkesa për Blerje, Porosia e Blerjes është dokument operativ që formalizon marrëveshjen me furnitorin, por nuk është ende dokument kontabël dhe nuk krijon lëvizje të stokut.

Ky dokument shërben për të:

konfirmuar sasinë, çmimet dhe kushtet e dakorduara;
përgatitur furnitorin për dërgesë;
organizuar marrjen e mallit (fletëhyrjen) pa pasur devijime;
mbajtur gjurmueshmëri të procesit të furnizimit.

Pas pranimit të mallit, Porosia mund të lidhet me Fletëhyrjen dhe Faturën e Furnitorit, duke garantuar që çmimet dhe sasitë e faturuara përputhen me porosinë.

Hapat e nevojshëm

Aksesimi i Formularit të Porosisë së Blerjes
Për të krijuar një porosi të re, fillimisht duhet të hapni modulit Furnitorët & Blerjet dhe të zgjidhni dokumentin Porosi nga lista e formularëve.

Lexo më shumë
- Hyni tek moduli Furnitorët & Blerjet në panelin anësor.
- Zgjidhni kartën Porosi.
- Klikoni + Shto Porosi për të hapur një formular të ri bosh.
Dokumenti hapet në status Draft, pa numër të regjistruar ende.
Përzgjedhja e Furnitorit
Pas hapjes së formularit, duhet të caktoni furnitorin për të cilin po bëhet porosia.

Lexo më shumë
- Futni ose kërkoni kodin e furnitorit (p.sh. FURN1).
- Sistemi sjell automatikisht emrin, logon dhe të dhënat identifikuese.
- Nëse furnitori ka disa lokacione, zgjidhni vendndodhjen përkatëse.
- Pasi të caktohet furnitori, vazhdoni me plotësimin e të dhënave administrative.
Plotësimi i Informacionit Administrativ
Këto të dhëna janë të domosdoshme për identifikim dhe gjurmim korrekt të dokumentit.

Lexo më shumë
- Numri i Porosisë: gjenerohet automatikisht sipas konfigurimit të kompanisë.
- Data: data e krijimit të porosisë.
- Data e Dorëzimit: data kur pritet të dorëzohet malli nga furnitori.
- Nr. Referencës: numër i brendshëm ose i furnitorit për identifikim.
- Punëtori: personi përgjegjës për porosinë.
- Lokacioni: depoja ku pritet të pranohet malli.
Këto fusha sigurojnë saktësi gjatë marrjes së mallit dhe lidhjes së porosisë me Fletëhyrjen ose Faturën.
Shtimi i Artikujve në Porosi
Në këtë pjesë shtohen të gjitha artikujt që blihen nga furnitori, së bashku me sasitë dhe çmimet e dakorduara.

Lexo më shumë
- Kërkoni artikujt ose skanoni barkodin.
- Sistemi sjell automatikisht:
- Vendosni sasinë e porositur për secilin artikull.
- Mund të modifikoni çmimin nëse ka negocim.
- Sistemi llogarit automatikisht:
Në fund të tabelës tregohet Sasia Totale e Porosisë.
Verifikimi Financiar i Porosisë
Pjesa e bilancit tregon përmbledhjen e vlerave të dokumentit për analizë të saktë të kostos.

Lexo më shumë
- Vlerat e TVSH-së sipas çdo norme.
- Totali pa TVSH dhe me TVSH.
- Fusha për Zbritje (%) nëse furnitori ofron ulje të përgjithshme.
- Llogaritja e:
Ky seksion shërben si bazë për kontrolle para finalizimit.
Ruajtja dhe Funksionet e Dokumentit
Pasi të plotësohen të gjitha fushat, dokumenti mund të ruhet ose dërgohet për veprime të tjera.

Lexo më shumë
- Regjistro: ruan përfundimisht dokumentin me numër zyrtar.
- Regjistro & Printo: ruan dhe gjeneron PDF.
- Të Re: hap një dokument të ri bosh të të njëjtit lloj.
- Lista: ju çon në listën e të gjitha porosive të krijuara.
- Rivendos: rikthen dokumentin në gjendjen para ruajtjes.
- Pas regjistrimit aktivizohen butonat:
- Fshij – e shënon dokumentin si “E fshirë” (pa humbur gjurmën historike).
- Printo – për eksport në PDF.

Porosia e Blerjes nuk krijon lëvizje të stokut dhe nuk gjeneron detyrim financiar.

Ajo përdoret për formalizim të marrëveshjes me furnitorin dhe për përgatitjen e procesit të pranimit të mallit.

Këshillë: Për zinxhir të rregullt furnizimi, përdorni këtë renditje:

Kërkesë për Blerje ➡️ Oferta ➡️ Porosia ➡️ Fletëhyrje ➡️ Faturë Blerjeje ➡️ Pagesë fatureje.

Kjo strukturë siguron transparencë të plotë, krahasim çmimesh dhe kontroll të furnizimit.

Përfitimet Kryesore

Eliminon keqkuptimet me furnitorët.
Siguron kontroll më të mirë të çmimeve dhe sasive.
Lidhje e drejtpërdrejtë me Fletëhyrjen dhe Faturën.
Gjurmim i plotë nga Kërkesa → Oferta → Porosia → Fatura --> Pagesa
Redukton gabimet operacionale gjatë marrjes së mallit.
Planet Accounting ofron fluks të qartë, automatik dhe pa konfuzion për qindra porosi në muaj.