Si të krijojmë një porosi të shitjes

Seksioni Porosi Shitjeje në modulin Klientët & Shitjet, transformon Ofertën e pranuar në një angazhim zyrtar për dorëzim. Ky dokument shërben si urdhër i brendshëm për magazinën dhe departamentin e furnizimit, duke treguar saktësisht se cilat artikuj duhet të përgatiten për dërgesë te klienti. Porosia është e rëndësishme sepse rezervon artikujt dhe fikson çmimet e dakorduara, duke shënuar hapin para-faturimit në fluksin e shitjes.

Hapat e nevojshëm

Aksesimi i Porosisë së Shitjes
Ekzistojnë dy mënyra themelore për të filluar një Porosi Shitjeje: Krijimi i një dokumenti krejt të ri, ose konvertimi i një Oferte të pranuar (metoda e rekomanduar).

Lexo më shumë
Për të filluar një Porosi të re, navigoni në:
1. Menuja Kryesore: Zgjidhni Klientët & Shitjet.
2. Karta e Porosive: Klikoni mbi kartën Porosi (në grupin e kartave Klientët&Shitjet).
3. Shto Porosi: Nga menuja rënëse që shfaqet, klikoni + Shto Porosi.
Metodë Alternative (Më e Shpejtë): Përdorni butonin Konverto nga një Ofertë Shitjeje ekzistuese, e cila i transferon të gjitha të dhënat e klientit dhe çmimet automatikisht (shih Hapi 3).
Përcaktimi i Klientit dhe Detajeve Administrative
Formulari i Porosisë ndan të njëjtën strukturë me Kërkesën dhe Ofertën. Këtu ju konfirmoni klientin dhe detajet logjistike të urdhrit.

Lexo më shumë
Nëse porosia nuk u konvertua, plotësoni fushat si më poshtë:
- Identifikimi i Klientit: Zgjidhni klientin duke shkruar emrin/NIF-in në fushën e Klientit, ose përdorni butonin + për të regjistruar një klient të ri.
- Numri i Porosisë: Gjenerohet automatikisht nga sistemi(gjithashtu lehtë e konfigurueshme - moduli konfigurimet) , (p.sh., 5 në imazh).
- Data: Shënon datën kur është krijuar porosia.
- Punëtori: Cakton agjentin e shitjes/punonjësin përgjegjës.
- Lokacioni: Zgjidhni lokacionin/degën nga do të bëhet dërgimi i mallit.
- Vlera Totale: Vlerat financiare (TVSH, Zbritje) funksionojnë saktësisht si në formularin e Ofertës.
Shtimi i Artikujve dhe Përcaktimi i Depove
Përveç sasive dhe çmimeve, Porosia shton një detaj kritik logjistik: përcaktimin e Depozitës (Magazinës) nga do të tërhiqen artikujt. Kjo është thelbësore për menaxhimin e saktë të Stokut.

Lexo më shumë
- Shtimi i Artikujve: Përdorni fushën Shifrat dhe kërkoni me Lupë për të shtuar artikujt (siç u shpjegua në Kërkesën/Ofertën e Shitjes).
- Kolona "Porosia": Vendosni sasinë e artikullit që klienti ka porositur.
- Kolona "DEPO": Kjo është fusha e re. Për çdo artikull, duhet të zgjidhni Depon specifike nga e cila do të merret artikulli.
- Vlerat Financiare: Çmimet (Çmimi Bazë, Zbritja, Vlera TVSH) funksionojnë njësoj si në Ofertë.
Ruajtja dhe Konvertimi në Faturë
Pas regjistrimit, Porosia bëhet një dokument aktiv që ndikon në stokun tuaj. Hapi i fundit, Konvertimi, e çon Porosinë në fazën e fundit të shitjes.

Lexo më shumë
1. Ruajtja e Porosisë: Klikoni butonin Regjistro & Printo në fund të formularit. Kjo e vendos porosinë në statusin "Regjistruar" dhe rezervon artikujt nga depon e caktuar.
2. Konvertimi në Faturë: Pasi mallrat janë dërguar dhe jeni gati për të fatuar, hapni Porosinë e regjistruar:

Kontrolloni Statusin e Porosisë: Pasi të jetë regjistruar, porosia do të shfaqet në Lista e Porosive me një Status. Gjurmoni këtë status (p.sh., E re, E Dorëzuar, E Faturuar) për të menaxhuar në mënyrë efikase të gjithë fluksin e shitjes.

Këshillë: Filloni nga Oferta: Për të shmangur gabimet e çmimeve, gjithmonë konvertoni nga Oferta në Porosi. Ky proces garanton se klienti faturohet me çmimin e saktë të ofruar.

Depo e Saktë: Gjithmonë kontrolloni dhe caktoni Depon (Magazinën) e duhur për çdo artikull, pasi ky është vendi ku do të bëhet inventarizimi i mallrave të shitur.

Përfitimet Kryesore

Rezervimi i Stokut: Porosia e Shitjes është dokumenti i parë që lidh zyrtarisht mallrat me klientin, duke ndihmuar në planifikimin e inventarit.
Urdhër Pune për Magazinën: Ajo i siguron depove një listë të qartë dhe të detajuar (picking list) të mallrave që duhen përgatitur.