Shto Punëtor

Hapat e nevojshëm

1. Aksesimi i Faqes

   1. Hyni në modulin Punëtorët nga menuja në anën e majtë.
   2. Në panelin e modulit, hapet faqja me kartat/menutë dhe listat përkatëse.
   3. Për të shtuar punëtor të ri, klikoni kartën Punëtorët,  zgjidhni butonin Shto Punëtor (Staf) nga lista.

   Rezultati: Hapet modali "Punëtorët" me formën për regjistrim.
   
2. Forma Kryesore dhe Fushat Bazë

   Në pjesën e sipërme të modalit plotësohen të dhënat bazë të punëtorit. Fushat me * janë të detyrueshme.

   
   

   Fushat kryesore:

   • Lokacioni * – lokacioni ku i takon punëtori (p.sh. Z1 - Zyre Qendrore).
   • Nr. * – numri intern/identifikues i punëtorit (zakonisht gjenerohet/ruhet sipas rregullit të kompanisë, të konfiguar tek Konfigurimet).
   • Numri Personal * – numri personal (ID) i punëtorit.
   • Emri * dhe Mbiemri * – emri dhe mbiemri i punëtorit.
   • E-mail – opsionale (rekomandohet nëse punëtori do të ketë llogari përdoruesi).
   • Nr. Telefonit – opsionale (kontakt i punëtorit).
   • Vendlindja dhe Ditëlindje – opsionale (për evidencë).
   • Shteti, Qyteti, Lagje/Fshat – opsionale (adresimi).
   • Adresa dhe Kodi Postar – opsionale.
   • Përshkrimi – shënim i brendshëm (opsional) për punëtorin.

   Shënim: Nëse kompania kërkon vetëm të dhëna minimale, plotësoni vetëm fushat e detyrueshme dhe ruani. Tab-et tjera mund të plotësohen më vonë.
   

   Këshillë për cilësi të të dhënave

   • Përdorni format të njëjtë për numrat e telefonit.
   • Mbani konsistencë në shkrimin e emrave (shkronja të mëdha/vogla).
   • Nëse e-mail përdoret për login, sigurohuni që është i saktë.
3. Opsionale
   Seksioni: Punëtorët

   Ky tab përdoret për të dhëna interne të punësimit dhe strukturës organizative. Shumica janë opsionale dhe varen nga mënyra si e menaxhoni HR-in brenda kompanisë.

   
   

   Fusha tipike në këtë tab:

   • Kategoria – kategorizimi i punëtorit (opsional).
   • Kualifikimi – niveli/lloji i kualifikimit (opsional).
   • Llogaria – lidhje me llogari/ndarje interne (opsionale, nëse përdoret nga kompania).
   • Pozita e punës – roli/pozicioni i punëtorit (opsional por i rekomanduar).
   • Raportimi direkt dhe Raportimi indirekt – hierarkia e raportimit (opsionale).
   • Orari i punës – orari/turni i punëtorit (opsional).
   • Përvoja punës (vite) – për evidencë (opsionale).
   • Jo-rezident – indikator (Po/Jo) sipas statusit të punëtorit (opsional).
   • Tipi i punëtorit – p.sh. Primar (ose tipe të tjera sipas konfigurimit tuaj).

   Rekomandim: Nëse kompania përdor organogram/hierarki, plotësoni së paku Pozita e punës dhe Raportimi direkt.
   

   Kur ia vlen të plotësohen këto fusha?

   • Kur raportimi dhe organizimi i punëtorëve bëhet nga sistemi.
   • Kur dëshironi raporte sipas pozicioneve/strukturës.
   • Kur planifikoni objektiva, targete ose orare pune të lidhura me punëtorin.
4. Opsionale
   Seksioni: Përdoruesi

   Ky tab kontrollon sjelljen e punëtorit si përdorues i sistemit dhe paraqitjen në strukturë organizative.

   
   

   Opsionet kryesore:

   • Lejohet kyqja në sistem – kur aktivizohet, punëtori mund të ketë qasje (login) si përdorues (nëse i krijohet/konfigurohet llogaria).
   • Shfaqe në Organogram – kur aktivizohet, punëtori shfaqet në organogram (nëse përdoret në kompani).

   Shënim: Në shumë kompani, punëtori mund të regjistrohet vetëm si punëtor (pa login). Login aktivizohet vetëm për rolet që kanë nevojë të përdorin sistemin.
   

   Praktikë e mirë

   • Aktivizoni login vetëm për rolet që duhet të punojnë në sistem (p.sh. arkëtar, menaxher, magazinier).
   • Mbani organogramin të pastër: shfaqni vetëm pozitat relevante për strukturën.
5. Opsionale
   Seksioni: Personale

   Ky tab përmban të dhëna personale (kryesisht opsionale) që shërbejnë për evidencë interne.

   
   

   Fusha të zakonshme:

   • Gjinia – zgjedhje (opsionale).
   • Nacionaliteti – zgjedhje (opsionale).
   • Statusi martesor – zgjedhje (opsionale).
   • Grupi i gjakut – zgjedhje (opsionale).
   • Religjioni – zgjedhje (opsionale, vetëm nëse kompania e kërkon për evidencë interne).

   Shënim: Plotësojeni vetëm nëse është e nevojshme për procedurat e brendshme të kompanisë dhe në përputhje me politikat tuaja të privatësisë.
   
6. Opsionale
   Seksioni: Shtesë

   Ky tab përmban informata administrative shtesë. Shumica janë opsionale dhe përdoren sipas nevojës.

   
   

   Dokumente dhe të dhëna administrative:

   • Nr. tatimor – nëse përdoret nga kompania.
   • Nr. Pasaportës dhe Data skadimit së Pasaportës – opsionale.
   • Nr. Patentë Shoferit dhe Data skadimit të Patentë Shoferit – opsionale.

   Të dhëna bankare:

   • Banka – zgjedhje (opsionale).
   • Llogaria bankare – IBAN/numër llogarie (opsionale).

   Adresa e përhershme:

   • Adresa e përhershme, Qyteti i përhershëm, Shteti i përhershëm, Kodi Postar – opsionale.

   Kontaktet:

   • Nr. telefonit në shtëpi, Nr. telefonit në zyrë, Nr. telefonit mobil – opsionale.

   Kontakti emergjent:

   • Emri personit – kontakti emergjent.
   • Relacioni – p.sh. prind/vëlla/motra etj.
   • Nr. Telefonit – numri i kontaktit emergjent.
   

   Kur rekomandohet të plotësohet tab-i Shtesë?

   • Kur kompania menaxhon pagesa dhe kërkon të dhëna bankare.
   • Kur ka kërkesa për dokumente identifikimi (p.sh. pasaporta) për role specifike.
   • Kur politika e brendshme kërkon kontakt emergjent për siguri në vend pune.
7. Opsionale
   Seksioni: Kontrata

   Ky tab përdoret për të regjistruar informata bazë të kontratës së punës. Nëse kompania menaxhon kontrata në sistem, ky seksion ndihmon të ruhet lloji i kontratës dhe statusi i saj.

   
   

   Fusha kryesore:

   • Tipi i kontratës – zgjedhje nga lista (sipas konfigurimit):
     • Kontratë pune për kohë të caktuar
     • Kontratë pune për kohë të pacaktuar
     • Kontratë pune për punë dhe detyra specifike

   Shënim: Nëse kontratat menaxhohen jashtë sistemit, ky tab mund të lihet bosh. Ndërkaq nëse doni t'i ruani brenda Planet Accounting, ekziston funksioni/karta speciale vetëm për kontratat e punëtorëve brenda modulit.
   

   Sugjerim për rrjedhë

   • Plotësoni tipin e kontratës menjëherë në momentin e punësimit.
   • Për ndërprerje, përdorni opsionin Shkëputje e kontratës dhe ruani shënim në Përshkrimi ose komentet përkatëse (nëse i keni).
8. Ruajtja e Punëtorit

   1. Pas plotësimit të të dhënave (minimumi fushat e detyrueshme), klikoni Ruaj.
   2. Nëse ka gabime/plotësime të munguara, sistemi sinjalizon fushat e detyrueshme.
   3. Pas ruajtjes me sukses, punëtori shfaqet në Listën e Punëtorëve dhe mund të editohet më vonë.

   Butonat:

   • Mbylle – mbyll modalin pa ruajtje.
   • Ruaj – ruan punëtorin.