Bilanci i Gjendjes - Manuali

Bilanci i Gjendjes

Raporti Bilanci i Gjendjes paraqet gjendjen financiare të biznesit në një datë ose periudhë të caktuar, duke shfaqur aktivet, detyrimet dhe kapitalin. Ky raport përdoret për analizë financiare, kontroll të strukturës së bilancit dhe verifikim të saktësisë së të dhënave kontabël të regjistruara në sistem.

Përdoruesi mund të filtrojë raportin sipas datës, lokacionit, valutës ose parametrave të tjerë të disponueshëm, pastaj ta shqyrtojë në ekran, ta printojë ose ta eksportojë sipas nevojës. Bilanci i Gjendjes është një nga raportet më të rëndësishme financiare, sepse ofron një pamje të qartë të pozicionit financiar të kompanisë në një moment të caktuar.

Çfarë paraqet ky raport?
  • Tregon gjendjen financiare të biznesit në një moment specifik.
  • Bazohet në të dhënat e sakta të regjistruara në kontabilitet.
  • Paraqet aktivet, detyrimet dhe kapitalin në mënyrë të strukturuar.
  • Përdoret për analizë të brendshme, kontroll financiar dhe vendimmarrje.
Kur përdoret?
  • Në fund të muajit për kontrollin e gjendjes financiare.
  • Në mbyllje të periudhave kontabël ose fiskale.
  • Për raportim të brendshëm ndaj menaxhmentit.
  • Për krahasim të pozicionit financiar ndërmjet periudhave të ndryshme.
Filtrat Kryesorë
  • RaportiPërcaktoni a doni të shihni bilancin e gjendjes për një ditë të caktuar, apo krahasim mes datash.
  • DataDita/data kur doni të shihni bilancin e gjendjes, specifikisht për atë datë.
  • Shfaq llogaritë me zero (0)Përcakton nëse doni t'i shihni në raport edhe llogaritë e planit kontabël që e kanë vlerën zero (0). Praktikisht s'janë prekur fare ato llogari.
  • Shfaq numrat e llogarisëMundëson t'i shihni edhe kodet e planit kontabël, nëse veç punoni rregullisht me kode, jo me emërtime.
Si të gjeneroni raportin
Aksesimi i raportit
1
Navigimi

Hapni modulin përkatës të raporteve dhe zgjidhni raportin Bilanci i Gjendjes.

2
Përzgjedhja e datës

Vendosni datën ose periudhën për të cilën dëshironi të shihni gjendjen financiare.

Aplikimi i filtrave
3
Aplikimi i filtrave

Zgjidhni filtrat e nevojshëm si shfaqja e llogarive me zero apo jo, si dhe shfaqjen ose jo të llogarive me kodin përkatës.

4
Gjenerimi

Klikoni butonin për filtër ose gjenerim të raportit dhe prisni paraqitjen e rezultateve në ekran.

5
Shqyrtimi i rezultateve

Analizoni kolonat, rreshtat dhe totalet e raportit për të kuptuar gjendjen financiare të kompanisë.

6
Eksportimi ose printimi

Nëse nevojitet, përdorni opsionet e eksportit ose printimit për ta ruajtur ose shpërndarë raportin.

Pamja e raportit

Kjo eshte pamja reale e një raporti të bilancit të gjendjes, me të dhëna fiktive, që tregon se si do ishte edhe raporti juaj për kompaninë tuaj.

Pamja e raportit Bilanci i Gjendjes
Si të lexohet raporti
LlogariaVlera (A)Vlera (G, S)Rreshti i fundit
Elemente interaktive

Në disa raporte të Planet Accounting, disa fusha ose vlera mund të jenë klikueshme. Në varësi të raportit, klikimi mbi një numër transaksioni, faturë, klient, furnitor, llogari ose dokument reference mund të hapë direkt dokumentin burimor për verifikim të mëtejshëm.

Shënim: Jo çdo raport ka të njëjtin nivel interaktiviteti. Fushat klikueshme varen nga lloji i raportit dhe logjika e tij në sistem.

1010 - Arka
Në këtë raport secili plan kontabël është i klikueshëm. Klikimi mbi planin kontabël gjegjës, hap gjitha transaksionet e asaj llogarie të klikuar, para datës së caktuar nga filtri në bilancin e gjendjes.
Eksportimi dhe printimi

Pas gjenerimit, raporti mund të printohet ose eksportohet sipas opsioneve të disponueshme në faqe. Në disa raste, përdoruesi mund të ndryshojë formatin e paraqitjes, madhësinë e fontit ose mënyrën e shfaqjes para eksportimit ose printimit.

Shënim: Opsionet e sakta varen nga raporti përkatës.

Eksporto
Printo
Konfiguro
Shembull praktik

Për të verifikuar gjendjen financiare në fund të muajit, zgjidhni datën 31.01.2026 dhe filtroni sipas lokacionit përkatës. Raporti do të shfaqë vetëm aktivet, detyrimet dhe kapitalin e regjistruar deri në atë datë, duke e bërë më të lehtë kontrollin dhe analizën.

Shënim: Raporti nuk krijon dokument të ri në sistem; ai shfaq të dhëna të gjeneruara nga regjistrimet ekzistuese.
Kujdes: Rezultati i raportit varet drejtpërdrejt nga saktësia e filtrave të aplikuar dhe nga të dhënat e regjistruara në sistem.
Shënim: Në disa raporte, numra transaksionesh, fatura, klientë ose fusha të tjera mund të jenë klikueshme dhe të hapin faqet burimore përkatëse.
Këshillë:

Këshillë praktike: Gjithmonë kontrolloni datën dhe lokacionin para gjenerimit të raportit, në mënyrë që të merrni vetëm të dhënat që ju interesojnë.

Praktikë e mirë: Nëse raporti mbështet elemente klikueshme, përdorini ato për të verifikuar më shpejt transaksionet ose dokumentet burimore pa dalë nga logjika e analizës.

Përfitimet Kryesore
  • Pamje e qartë e gjendjes financiare
    • Ndihmon përdoruesin të kuptojë strukturën e aktiveve, detyrimeve dhe kapitalit në një moment të caktuar.
  • Mbështetje për analizë dhe kontroll
    • Përdoret për verifikim të brendshëm, krahasim periodik dhe analizë financiare.
  • Eksport dhe shpërndarje e lehtë
    • Mund të printohet ose eksportohet për raportim, ndarje me menaxhmentin ose ruajtje dokumentare.