Kartela e Artikullit

Kartela e Artikullit është një raport analitik dhe kronologjik që shfaq të gjitha lëvizjet e një artikulli ose shërbimi në sistem, nga momenti i regjistrimit fillestar deri në datën e zgjedhur.

Kjo faqe përdoret për të analizuar:

  • hyrjet dhe daljet e artikullit,
  • sasinë dhe vlerën në çdo moment,
  • ndikimin financiar të çdo transaksioni,
  • lidhjen mes stokut dhe kontabilitetit.

Hapat e nevojshëm
  1. Ku gjendet Kartela e Artikullit?
    1. Shko te moduli Stoku & Shërbime
    2. Hap Listën e Artikujve / Shërbimeve
    3. Kliko mbi artikullin e dëshiruar
    4. Faqja hapet direkt automatikisht në seksionin (tab) - Raportet
    5. Zgjidh opsionin Kartela
    Aksesimi i karteles se artikullit

  2. Çfarë shfaq Kartela e Artikullit?
    Kartela e artikullit shfaq një tabelë me të gjitha transaksionet që kanë ndikuar në stokun e artikullit.
    Për çdo rresht shfaqen:
    • Data e transaksionit
    • Lloji i dokumentit (Blerje, Shitje, Import, Kthim, Transfer, Saldo, etj.)
    • Numri i dokumentit
    • Pala
    • Lokacioni (Depoja)
    • Njësia
    • Sasia
    • Çmimi
    • Vlera
    • Bilanci pas transaksionit
    Rreshti i parë zakonisht përfaqëson bilancin fillestar të artikullit.
    Pamje e plote e karteles se artikullit

  3. Filtrimi i Kartelës së Artikullit
    Kartela mund të filtrohet për analiza të sakta.
    Opsionet e filtrimit përfshijnë:
    • Datë nga – deri
    • Klient / Furnitor
    • Lloje dokumentesh
    • Lokacione / Depo
    • Shfaq vetëm artikuj aktivë
    • Mos shfaq artikuj me zero sasi
    Filtrat ndikojnë vetëm në shfaqjen e të dhënave dhe nuk ndryshojnë asnjë regjistrim.
    Filtrimi i karteles se artikullit

  4. Hapja e Raportit të Transaksionit dhe Faturës
    Në kartelën e artikullit, numri i transaksionit dhe numri i faturës janë aktivë (të klikueshëm).
    Kur klikon mbi numrin e transaksionit:
    • hapet raporti i plotë i transaksionit,
    • shfaqen të gjitha detajet kontabël,
    • mund të shihen:
      • llogaritë e debituara dhe kredituara,
      • vlerat financiare,
      • ndikimi në stok dhe bilanc.
    Kur klikon mbi numrin e faturës:
    • shfaqet fatura e atij transaksioni
    • mund të shihen:
      • detajet e blerjes/shitjes së atij artikulli në atë faturë
      • sasia sa është blerë/shitur në atë faturë ai artikull
    Kjo siguron gjurmueshmëri të plotë nga artikulli deri te kontabiliteti.
    Hapja e raportit te transaksionit

  5. Eksportimi, Printimi dhe veprimet tjera
    Kartela e artikullit mund të:
    • Printohet
    • Eksportohet në Excel (.xlsx)
    • Formatohet për A4 ose A4 Landscape
    • Të ndryshohet madhësia e fontit (default 12px)
    • Të ndërrohet ngjyrat e ekranit në Dark Mode
    Këto opsione përdoren zakonisht për:
    • analiza të brendshme,
    • inventarizime,
    • auditime,
    • raporte për menaxhmentin.

  6. Raste Përdorimi
    Kartela e artikullit zakonisht përdoret për:
    • kontroll të sasisë reale në stok,
    • verifikim të historikut të lëvizjeve,
    • identifikim të gabimeve ose korrigjimeve,
    • krahasim të vlerave me kontabilitetin,
    • analizë të qarkullimit të artikullit.

Stoku me minus: Nëse kartela shfaq një stok negativ (me minus) në një moment të caktuar (edhe nëse në fund del pozitive), ky është një tregues i një gabimi kronologjik. Kjo ndodh kur një artikull shitet përpara se të regjistrohet fatura e blerjes. Kjo mund të shkaktojë llogaritje të gabuar të kostos (COGS) në pasqyrat tuaja financiare.
Rrezik -  Ndërhyrjet në Dokumente të Vjetra: Kini kujdes kur modifikoni dokumente të datave të kaluara që shfaqen në kartelë. Çdo ndryshim në një faturë të vjetër blerjeje do të ri-kalkulojë automatikisht koston e të gjitha shitjeve pasuese në kartelë, gjë që mund të ndryshojë bilancin tuaj të suksesit për muajt e mbyllur.
Këshillë: Filtrimi sipas Periudhave: Për analiza më të shpejta, përdorni filtrat e datave për të audituar lëvizjet mujore ose tremujore, në vend që të ngarkoni të gjithë historikun e artikullit.

Verifikimi i Gjendjes së Stokut pas çdo Inventarizimi: Pas çdo numërimi fizik, krahasoni gjendjen e stokut në kartelë me dokumentin e "Korrigjo Stokun" për të siguruar përputhshmërinë.

Kontrolli i Dokumenteve "Draft": Sigurohuni që të gjitha dokumentet që prekin kartelën janë të konfirmuara; dokumentet në pritje nuk pasqyrohen në gjendjen përfundimtare të kartelës.
Përfitimet Kryesore
  • Gjurmueshmëri e Plotë: Çdo hyrje dhe dalje është e lidhur drejtpërdrejt me dokumentin burimor (faturën), duke lejuar verifikimin e shpejtë të çdo transaksioni.
  • Identifikimi i Mos-përputhjeve: Duke krahasuar gjendjen fizike me atë në kartelë, mund të diktoni menjëherë gabimet në faturim apo mungesat në magazinë.
  • Historiku i Çmimeve: Ofron një pasqyrë të qartë se si ka luhatur çmimi i furnizimit gjatë periudhave të ndryshme kohore.