Lista e Çmimeve (avancuar)

Hapat e nevojshëm

1. Aksesimi i faqes

   1. Hyni në modulin Stoku & Shërbimet
   2. Klikoni kartën Lista e Çmimeve 
   3. Hapni Lista e Çmimeve (Price List).

   Në këtë rast do hapet faqja Lista e Çmimeve e cila mundëson ndryshimin e çmimeve me mënyra më të avancuara.
   
2. Struktura e faqes (çfarë shihni)

   Faqja ndahet në 2 pjesë kryesore:

   
   

   A) Paneli “KALKULO” (sipër) – ku vendosen rregullat e kalkulimit të çmimit.

   B) Filtrat + Lista (poshtë) – ku filtroni artikujt/shërbimet dhe shihni tabelën me çmimet aktuale dhe çmimet e reja.
   
3. Filtrimi dhe shfaqja e artikujve/shërbimeve

   Në panelin Filtro (fillo nga ana e majtë poshtë pjesës Kalkulo):

   • Zgjedhni Llojin:
   • Të gjitha / Artikulli / Shërbimet / etj. (sipas konfigurimit tuaj)
   • (Opsionale) Filtroni sipas:
   • Njësive
   • Kodi i TVSH-së
   • Prodhuesi
   • Brendet
   • Kategoritë
   • Valuta 

   Pastaj klikoni Shfaq që lista të mbushet në tabelë.

   Shënim: Nëse kutiza (checkbox) "Të gjitha" është aktive, ju nuk mund të selektoni një filtër nga lista, ju duhet të ç'aktivizoni kutizën, e pastaj të selektoni një apo më shumë filtra (varësisht siç është përcaktuar logjikisht në sistem). 
   

   Lexo më shumë

   Filtrat janë shumë të rëndësishëm për të shmangur ndryshime të paqëllimshme në gjithë inventarin. Praktikë e mirë është të punoni me kategori ose brend të caktuar (p.sh. vetëm “Pije”, vetëm një furnitor, etj.).
4. Përzgjedhja e rreshtave që do të ndryshohen

   Në tabelë, çdo artikull/shërbim ka kutizë (checkbox) për përzgjedhje.

   • Shënoni vetëm artikujt që doni t’u ndryshoni çmimin.
   • Nëse e shënoni aktiv kutizën (“checkbox”-in) në krye të tabelës, mund t’i përzgjedhni të gjithë rreshtat e shfaqur.
   

   Lexo më shumë

   Rekomandohet të punoni me grupe të vogla (p.sh. 20–100 artikuj) dhe ta kontrolloni rezultatin para ruajtjes.
5. Vendosja e rregullës së kalkulimit (Paneli “KALKULO”)

   Këtu përcaktoni çfarë do të ndryshohet dhe si do të llogaritet çmimi i ri.

   5.1 Vendos (Target) – cilin çmim po e vendosni

   • Zgjedhni se çfarë po përditësoni:
   • Rregullt (Regular)
   • POS (nëse keni çmim të veçantë për POS)

   5.2 Duke e –(+) rritur ose (-) ulur

   • Zgjedhni:
   • (+) rritur
   • (-) zvogëluar

   5.3 Sipas bazës (Rregullt - rëndomtë) – mbi çfarë baze bëhet llogaritja

   • Zgjedhni bazën e llogaritjes, p.sh.:
   • Rregullt (çmimi aktual i rregullt)
   • Kosto (bazuar në kosto)
   • POS (bazuar në çmimin POS)
   • çfarëdo çmimorje tjetër të regjistruar në konfigurime nga kompania

   5.4 Shto – sa është ndryshimi

   • Vendosni vlerën e ndryshimit:
   • si % - përqindje (p.sh. 10% rritje)
   • ose si Nr / vlerë fikse (p.sh. +0.50); vlerë numerike

   5.5 Me TVSH / Pa TVSH

   • Përcaktoni nëse vlera që po aplikoni dhe rezultati po llogaritet:
   • Pa TVSH
   • Me TVSH

   Kjo është e rëndësishme sepse sistemi duhet të dijë në çfarë baze po punoni, sidomos kur çmimet tuaja ruhen si “me TVSH” ose “pa TVSH”.

   
   

   5.6 Ndrysho kodin e TVSH-së (opsionale)

   • Nëse dëshironi, mund të caktoni edhe kod të ri të TVSH-së për artikujt e përzgjedhur gjatë këtij procesi.
   

   Lexo më shumë

   Ndryshimi i kodit të TVSH-së ka ndikim direkt në dokumente dhe raporte. Përdoreni vetëm kur keni arsye të qartë (p.sh. ndryshim i rregullores, ricaktim i grupit të TVSH-së për kategori të caktuar).
6. Kalkulimi i çmimeve të reja

   Kur i keni përzgjedhur artikujt dhe i keni vendosur parametrat:

   • Klikoni Kalkulo.

   Sistemi do të përditësojë kolonat e “çmimeve të reja” në tabelë (p.sh. Çmimi i ri Pa TVSH / Çmimi i ri Me TVSH), ndërsa çmimet aktuale mbesin të dukshme për krahasim.
   

   Lexo më shumë

   Kjo fazë është “parapamje (preview)” – pra ju shihni rezultatin para se të ruani. Nëse diçka nuk duket saktë, ndryshoni parametrat (%, bazën, me/pa TVSH) dhe kalkuloni përsëri.
7. Ruajtja e çmimeve

   Pasi të jeni të kënaqur me rezultatet:

   • Klikoni Ruaj çmimet.

   Kjo i bën ndryshimet zyrtare në sistem për artikujt/shërbimet e përzgjedhura.

   E rëndësishme: Nëse largoheni nga faqja pa ruajtur, çmimet nuk do të ndryshohen (kalkulimi i vetëm nuk mjafton).