Profili i Artikullit / Shërbimit

Kjo hapësirë shërben si faqja qendrore për menaxhimin e plotë të artikujve dhe shërbimeve tuaja. Këtu mund të konfiguroni parametrat kritikë si çmimet, dimensionet, relacionet dhe saldot, duke siguruar që çdo informacion të jetë i saktë dhe i përditësuar në kohë reale.

Çdo ndryshim i aplikuar në këtë profil reflektohet automatikisht në të gjitha dokumentet financiare, raportet dhe proceset e lidhura brenda sistemit. Për lehtësi përdorimi, faqja është e organizuar në disa seksione (Tabs), të cilat detajohen më poshtë në këtë manual, mirëpo gjithashtu edhe në faqet e dedikuara vetëm për këto seksione.

Hapat e nevojshëm
  1. Aksesimi i faqes
    Faqja e profilit të artikullit / shërbimit në Planet qaset rëndomtë sikur faqet e tjera të modulit Stoku & Shërbimet: 
    1. Hyni në modulin Stoku & Shërbimet
    2. Klikoni në emrin e artikullit në listën e stokut
    Me klikun mbi emrin e artikullit / shërbimit nga lista e stokut, hapet faqja e profilit të produktit.
    Aksesimi i faqes

  2. 1️⃣ Informacioni Bazë i Artikullit
    (seksioni i parë)
    Çfarë përfshin kjo pjesë:
    • Emërtimi i artikullit/shërbimit
    • Shifra (Kodi artikullit, SKU)
    • Njësia bazë
    • Barkodi
    • Sasia aktuale
    • Çmimi i shitjes dhe blerjes
    • Marzha e fitimit
    Qëllimi:
    Kjo pjesë ofron një pasqyrë të shpejtë dhe të përmbledhur mbi gjendjen dhe vlerën e artikullit.
    Informacioni baze i artikullit

  3. 2️⃣ Raportet e Artikullit
    (seksioni: Raportet)
    Në këtë seksion mund të:
    • Hapni kartelën e artikullit
    • Shikoni raportet logjistike
    • Analizoni lëvizjet dhe historikun e artikullit
    Përdorimi: Shërben për analizë dhe kontroll të performancës së artikullit në kohë.
    Raportet e artikullit

  4. 3️⃣ Çmimet e Artikullit
    (seksioni: Çmimet)
    Përfshin:
    • Çmimet e shitjes (me dhe pa TVSH)
    • Çmimet e blerjes
    • Çmimet për POS (nëse keni)
    • Kodi i TVSH-së për shitje dhe blerje (që deklarohet në regjistrim të artikullit apo shërbimit)
    Vërejtje: Ndryshimet në këtë seksion ndikojnë drejtpërdrejt në faturim dhe raporte financiare.
    Cmimet e artikullit

  5. 4️⃣ Relacionet e Artikullit
    (seksiono: Relacionet)
    Këtu mund të:
    • Lidhni artikullin me njësi të tjera (paketë, pako, copë)
    • Definoni raporte konvertimi mes njësive
    • Aktivizoni ose ç'aktivizoni shitjen/blerjen për secilin relacion
    Shembull:
    • 1 Pako = 6 Copë
    • 1 Paketë = 60 Copë
    Relacionet e artikullit

  6. 5️⃣ Konfigurimi i Artikullit
    (seksioni: Konfiguro)
    Përfshin:
    • Njësitë e preferuara (Web - shfletuesi në ueb, Mobile - Sales Agent app. , POS)
    • Furnitorin e preferuar
    • Depot e preferuara
    • Kodet e TVSH-së
    • Llogaritë kontabël (stok, të ardhura, KMSH, konsum i brendshëm)
    Opsione si:
    • Ka lot
    • Ka serializim
    • Ka datë skadimi
    • Aktiv / Joaktiv
    Qëllimi: Ky seksion përcakton sjelljen e artikullit në të gjithë sistemin.
    Konfigurimi i artikullit

  7. 6️⃣ Dimensionet e Artikullit
    (seksioni: Dimensionet)
    Mundëson:
    • Përcaktimin e peshës (neto/bruto)
    • Dimensionet fizike (gjatësi, gjerësi, lartësi
    • Vëllimin
    • Njësi të ndryshme për forma të ndryshme të artikullit
    Përdorim tipik: Logjistikë, magazinim, transport.
    Dimensionet e artikullit

  8. 7️⃣ Saldo e Artikullit
    (seksioni: Saldot)
    Shfaq:
    • Gjendjen e stokut sipas depos
    • Datat e furnizimit
    • Lotet dhe datat e skadimit
    • Vlerën aktuale të stokut
    Rëndësia: Ky seksion është burimi kryesor për gjendjen reale të artikullit.
    Saldo e artikullit

Ndryshimi i logjikës së relacioneve: Përpara se të ndryshoni relacioneve (p.sh. nga Copë me Pako) për një artikull që ka pasur lëvizje më parë, sigurohuni që gjendja e stokut të jetë zero. Ndryshimi relacioneve kur artikulli ka gjendje aktive mund të shkaktojë kalkulime të pasakta në raportet e inventarit dhe në koston e shitjes (KMSH). Rekomandohet krijimi i një artikulli të ri nëse metoda e paketimit p.sh. ndryshon rrënjësisht.
Mos tentoni të fshini një artikull i cili është përdorur në dokumente financiare të mëparshme (fatura, hyrje magazine). Sistemi do të bllokojë fshirjen për të ruajtur integritetin e të dhënave. Nëse artikulli nuk tregtohet më, përdorni opsionin "joaktiv" në vend të fshirjes.
Këshillë:
Standardizoni Emërtimet: Vendosni një rregull për emërtimin e artikujve (p.sh. Emri - Brendi - Madhësia). Kjo e bën kërkimin (search) shumë më të shpejtë për shitësit.

Përdorni Kodet Barkod: Sa herë që është e mundur, plotësoni fushën e barkodit. Kjo minimizon gabimet gjatë shitjes në pikën POS dhe gjatë inventarizimit fizik.

Rishikoni Relacionet: Sigurohuni që artikujt e lidhur (p.sh. paketimet apo njësitë e ndryshme matëse) të jenë konfiguruar saktë për të mbajtur raporte të sakta të shndërrimit të njësisë.

Auditimi i Çmimeve: Periodikisht kontrolloni tab-in e çmimeve për t'u siguruar që marzha e fitimit është në përputhje me koston aktuale të blerjes (FIFO / AVG).
Përfitimet Kryesore
  • Saktësi Automatike: Çdo përditësim i çmimit apo parametrave pasqyrohet menjëherë në shitje, blerje dhe inventar, duke shmangur gabimet manuale.
  • Kontroll i Plotë i Inventarit: Përmes ndjekjes së saldos në kohë reale, ju parandaloni mungesat e stokut apo mbifaturimin e artikujve që nuk janë gjendje.
  • Raportim i Detajuar: Ndarja sipas kategorive, lokacioneve dhe relacioneve ju lejon të gjeneroni raporte analitike që ndihmojnë në marrjen e vendimeve strategjike.
  • Kursim Kohe: Integrimi i shërbimeve dhe artikujve në një profil të vetëm lehtëson trajnimin e stafit dhe shpejton procesin e faturimit.